Xalq deputatlari Yunusobod tumani Kengashi deputati Kattaxodjaev Sh. tomonidan “Hududiy elektr tarmoqlari” AJ Yunusobod tuman elektr ta’minoti korxonasining kuz-qish mavsumini betalofat o‘tkazishga tayyorgarlik holati o‘rganildi.

📌O‘rganish davomida elektr tarmoqlari va mavjud elektr ta’minoti infratuzilmasining mavsumga tayyorgarligi, transformator punktlari, elektr qurilmalarining texnik holati hamda tarmoqlarning barqaror ishlashini ta’minlash bo‘yicha amalga oshirilayotgan ishlar ko‘zdan kechirildi.

🔺Shuningdek, kuz-qish mavsumida aholini uzluksiz va barqaror elektr energiyasi bilan ta’minlash, yuzaga kelishi mumkin bo‘lgan nosozliklarni tezkor bartaraf etish hamda elektr ta’minotidagi uzilishlarning oldini olish bo‘yicha ko‘rilayotgan choralar o‘rganildi.

⚖️Huquqiy asos: O‘zbekiston Respublikasining “Elektr energetikasi to‘g‘risida”gi O‘RQ-939-son Qonuni, 2024-yil 7-avgust. Qonun elektr energetikasi sohasidagi munosabatlarni tartibga soladi hamda iste’molchilarni elektr energiyasi bilan ishonchli va sifatli ta’minlashga oid asosiy qoidalarni belgilaydi.

📋 O‘rganish yakunlari bo‘yicha mas’ullarga tegishli tavsiya va takliflar berilib, kuz-qish mavsumida elektr ta’minotining barqarorligini ta’minlash, mavjud muammolarni o‘z vaqtida bartaraf etish hamda aholiga ko‘rsatilayotgan xizmatlar sifatini oshirish yuzasidan zarur choralar belgilandi.