Yunusobod tumani Kengashi deputati I. Ashrapova tomonidan 220-sonli umumta’lim maktabida sanitariya-gigiyena holati hamda o‘quvchilar ovqatlanishini tashkil etish sharoitlari o‘rganildi.

📝O‘rganish davomida maktab oshxonasining sanitariya holati, oziq-ovqat mahsulotlarining qanday sharoitda va qay tartibda saqlanayotgani, yaroqlilik muddati, saqlash harorati, shuningdek, tayyor taomlarni tayyorlash va tarqatishda sanitariya talablariga rioya etilishi ko‘zdan kechirildi.

✅Shuningdek, oziq-ovqat mahsulotlarini saqlash joylari, xomashyo va tayyor mahsulotlarning alohida saqlanishi hamda o‘quvchilarga berilayotgan taomlarning xavfsizligi masalalariga alohida e’tibor qaratildi.

📌Mazkur deputatlik nazorati O‘zbekiston Respublikasining “Aholining sanitariya-epidemiologik osoyishtaligi to‘g‘risida”gi Qonuni hamda umumta’lim muassasalarida o‘quvchilar ovqatlanishini tashkil etishga oid sanitariya qoidalari, normalari va gigiyena normativlari talablari asosida amalga oshirildi.

👩🏻‍🏫Deputat tomonidan maktabda sanitariya talablariga qat’iy rioya etish, oziq-ovqat mahsulotlarini belgilangan sharoitlarda saqlash va o‘quvchilar uchun xavfsiz hamda sifatli ovqatlanish sharoitlarini ta’minlash muhimligi ta’kidlandi.