AHOLI SALOMATLIGINI MUHOFAZA QILISH — E’TIBOR MARKAZIDA

📅 2026-yil 22-sentabr kuni Xalq deputatlari Pastdarg‘om tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi tomonidan deputatlik so‘rovi yuborildi.

📌 So‘rov tuman hokimining o‘rinbosari S.Xamrayev nomiga yo‘llanib, O‘zbekiston Respublikasi Vazirlar Mahkamasining 2021-yil 13-oktabrdagi 643-sonli “Gematologik va onkologik kasalliklarga chalingan bemorlarni yanada qo‘llab-quvvatlash chora-tadbirlari to‘g‘risida”gi qarori talablari ijrosi yuzasidan ma’lumot taqdim etish so‘raldi.

🔎 Jumladan, tumanda mazkur yo‘nalishda:
▪️ gematologik va onkologik kasalliklarga chalingan bemorlarni qo‘llab-quvvatlash;
▪️ ularga ko‘rsatilayotgan tibbiy va ijtimoiy yordam;
▪️ belgilangan chora-tadbirlarning ijrosi;
▪️ mavjud muammolar va ularni bartaraf etish bo‘yicha amalga oshirilayotgan ishlar
haqida ma’lumotlar o‘rganiladi.

👤 Doimiy komissiya raisi — Ochilov Jamshid Ubaydullayevich.

📌 Mazkur deputatlik so‘rovi orqali qaror talablarining tumandagi ijrosi holatini o‘rganish va mavjud masalalarga deputatlik nazoratini kuchaytirish maqsad qilingan.