Bandixon tumanida deputatlik nazorati: "Chinor" mahallasida hokim yordamchisi faoliyati va imtiyozli kreditlar samaradorligi tahlil qilindi

Bandixon tumanida aholining tadbirkorlik tashabbuslarini qo‘llab-quvvatlash, oilaviy tadbirkorlikni rivojlantirish orqali kambag‘allikni qisqartirish hamda qonunchilik hujjatlarining amaliy ijrosini ta’minlash borasida tizimli deputatlik nazorati olib borilmoqda.

Xalq deputatlari Bandixon tumani Kengashiga 7-“Chinor” saylov okrugi deputat U.Jumayev okrugiga qarashli "Chinor"mahallasida, tuman Kengashi kotibiyati mudiri A.Pardayev hamda Kotibiyat bosh mutaxassisi B.Qurbonovlar tomonidan “Chinor” mahallasida navbatdagi nazorat-tahlil tadbiri o‘tkazildi.

Tadbir “Eng muhim 24 ta yo‘nalish” mezonlari hamda O‘zbekiston Respublikasining “Oilaviy tadbirkorlik to‘g‘risida”gi Qonuni asosida tashkil etildi. Unda Hokim yordamchisining aholi bandligini ta’minlash, narx-navo barqarorligini ta’minlash va yangi biznes sub’ektlarini shakllantirish bo‘yicha amalga oshirgan ishlari ko‘rib chiqildi.

Xususan, o‘rganishlar jarayonida fuqaro M.Almirzayevaga Hokim yordamchisi tomonidan imtiyozli kredit ajratilib, u o‘z tadbirkorlik faoliyatini yo‘lga qo‘ygani hamda oilasi kambag‘allikdan chiqarilgani qayd etildi.

Tashrif yakunida kredit mablag‘larining maqsadli sarflanishini ta’minlash va bu kabi amaliy natijalarni mahallada yanada ko‘paytirish yuzasidan tegishli tavsiyalar berildi.