#kotibiyat_mudiri_faoliyati #nazorat_tahlil

Qiziriq tumanida olib borilgan o'rganishlar yakunida tumanda barqaror ish o‘rinlarini yaratish bo‘yicha shtab faoliyati o‘rganildi

O‘zbekiston Respublikasi Oliy Majlisi Senatining Sud-huquq masalalari va korrupsiyaga qarshi kurashish qo‘mitasi raisi Eshmuratov Abdulxakim Xushbokovich tomonidan Prezident Shavkat Mirziyoyev raisligida joriy yilning 3-sentabr kuni kambag‘allikni qisqartirish va aholi daromadlarini oshirish bo‘yicha ishlarni yangi bosqichga olib chiqish masalalariga bag‘ishlab o‘tkazilgan yig‘ilishda belgilab berilgan ustuvor vazifalar ijrosi yuzasidan tumanda barqaror ish o‘rinlarini yaratish va aholi daromadlarini oshirish bo‘yicha shtab faoliyati bilan tanishildi.

O‘rganish davomida mazkur yo‘nalishda tumanlarda amalga oshirilayotgan ishlar, mavjud imkoniyatlar hamda aholi bandligini ta’minlash borasidagi chora-tadbirlar tahlil qilindi.

Shuningdek, shtablar faoliyati samaradorligini oshirish, yangi barqaror ish o‘rinlarini yaratish, aholi daromadlarini ko‘paytirish hamda belgilangan vazifalar ijrosini ta’minlash yuzasidan shtab a’zolari va mas’ullarga tegishli ko‘rsatma va tavsiyalar berildi.

Mazkur jarayonda xalq deputatlari viloyat Kengashi kotibiyati mudiri Sh.Boyqulov, Qiziriq tumani hokimi Sh.Allamurotov, xalq deputatlari Qiziriq tumani Kengashi kotibiyati mudiri K.Muhammadiyev, shtab a’zolari hamda tegishli mas’ullar ishtirok etdi.

Asosiy maqsad — aholi bandligini ta’minlash, barqaror daromad manbalarini yaratish va fuqarolarning farovonligini oshirish.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram