Deputat "Shımbay Golden Park"tegi attrakcionlardıń texnikalıq qáwipsizligin úyrendi

⚡️ Xalıq deputatları Shımbay rayonlıq Keńesi deputatı J.Alieva “Shaxtemir” MPJ aymaǵındaǵı "Shımbay Golden Park" aymaǵındaǵı attrakcionlardıń texnikalıq hám qáwipsizlik jaǵdayı úyrenildi.

Úyreniw dawamında attrakcionlardıń texnikalıq sazlıǵı, paydalanıw procesinde qáwipsizlik talaplarına ámel etiliwi, turaqlı texnikalıq tekseriw hám profilaktikalıq xızmet kórsetiw jumısları menen jaqınnan tanıstı.

Sonday-aq, balalar hám puqaralardıń qáwipsizligin támiyinlew, attrakcionlardan paydalanıw waqtında belgilengen qaǵıydalarǵa ámel etiw, texnikalıq nasazlıqlardıń aldın alıw hám xızmet kórsetiwshi xızmetkerlerdiń juwapkershiligin arttırıw máselelerine ayrıqsha itibar qaratıldı.

Deputat tárepinen attrakcionlardıń texnikalıq jaǵdayın turaqlı qadaǵalap barıw, anıqlanǵan kemshiliklerdi óz waqtında saplastırıw hám keliwshiler ushın qáwipsiz sharayatlardı támiyinlew boyınsha tiyisli usınıs hám usınıslar bildirildi.