ХАЛЫҚТЫ ҮЗЛУКСИЗ ГАЗ БЕНЕН ТӘМИЙИНЛЕЎ – БАСЛЫ ЎАЗЫЙПА

Шымбай районында пуқаралардың турмыс шараятын жақсылаў, әсиресе гүз-қыс мәўсимине пуҳта таярлық көриў ҳәм аймақларды турақлы газ бенен тәмийинлеў мәселелери турақлы түрде депутатлардың итибарында турмақта

✅ Усы мүнәсибет пенен Халық депутатлары Шымбай районлық Кеңесине 24-"Қ.Аўезов" сайлаў округынан Өзбекстан Халық демократиялық партиясынан сайланған депутат, Халық депутатлары Шымбай районлық Кеңеси баслығы О.Толыбеков районлық газ тәмийнаты бөлиминде болып, алып барылып атырған жумыслар менен жақыннан танысты.

♻️ Илаж даўамында О.Толыбеков бөлим тәрепинен халықты ҳәм социаллық тараў объектлерин үзлуксиз тәбийий ҳәм суютырылған газ бенен тәмийинлеў, тармақларда алып барылып атырған қурылыс-оңлаў жумысларының сапасы ҳәм режедеги ўазыйпалардың орынланыўына айрықша итибар қаратты.
Буннан тысқары, аймақлардағы газ тармақларының қәўипсизлигин тәмийинлеў, тутыныўшыларға көрсетилип атырған хызметлер сапасын арттырыў ҳәм пуқаралардан түсип атырған мүрәжатларды өз ўақтында унамлы шешиў бойынша тараў қәнигелерине тийисли усыныс ҳәм тапсырмалар берилди.

✍️ Район аймағында халықтың турмыслық зүрүрликлерин қанаатландырыў ҳәм социаллық-экономикалық инфраструктураны бекемлеўге қаратылған депутатлық қадағалаў жумыслары турақлы даўам еттириледи.