Xalq deputatlari Jondor tumani Kengashiga 14-Nurafshon saylov okrugidan saylangan deputat N. Murodov, tuman Kengashi kotibiyati bosh mutaxassisi R. Murodov hamda O‘zbekiston Ekologik partiyasi Jondor tumani kengashi raisi A. Ochilov tomonidan Nurafshon mahallasida nogironligi bo‘lgan shaxslarga davlat tomonidan berilgan imtiyozlarning to‘g‘ri va qonuniy qo‘llanilishi holati o‘rganildi.
🔹O‘rganish davomida nogironligi bo‘lgan fuqarolarning qonunchilikda belgilangan huquq va imtiyozlardan qay darajada foydalanayotgani, ularga ko‘rsatilayotgan ijtimoiy xizmatlar hamda yaratilgan sharoitlar ko‘zdan kechirildi.
🔹Shuningdek, fuqarolar bilan suhbatlar o‘tkazilib, ularning mavjud muammo va takliflari tinglandi. Aniqlangan masalalarni qonunchilikda belgilangan tartibda hal etish, ehtiyojmand fuqarolarga ko‘mak ko‘rsatish yuzasidan tegishli tavsiyalar berildi.
🔹Bunday o‘rganishlar nogironligi bo‘lgan shaxslarning huquq va manfaatlarini himoya qilish, ularga berilayotgan davlat kafolatlarining amalda ta’minlanishi hamda mahallalarda ijtimoiy adolat va teng imkoniyatlarni mustahkamlashga xizmat qiladi.