Xalq deputatlari Surxondaryo viloyati Kengashi deputati A.Oripov, Xalq deputatlari Oltinsoy tumani Kengashi kotibiyati mudiri M.Xujanov, tuman Kengashi deputati I.Bozorov hamda Kotibiyat bosh mutaxassisi A.Esanov ishtirokida tumandagi “Shoxcha” mahallasida barpo etilayotgan yangi umumta’lim maktabi qurilishi joyiga chiqqan holda o‘rganildi.

O‘rganish davomida yangi maktab binosida olib borilayotgan qurilish-montaj ishlari, bino ichki va tashqi qismlarining tayyorgarlik holati, qurilish materiallari hamda obyektdagi ishlarning borishi ko‘zdan kechirildi.

Shuningdek, qurilish ishlarining belgilangan talablar asosida, sifatli va o‘z vaqtida amalga oshirilishi yuzasidan mas’ullar bilan fikr almashildi. Aniqlangan masalalarni bartaraf etish hamda qurilish jarayonini muntazam nazorat qilib borish bo‘yicha tegishli tavsiyalar berildi.

🕊 Telegram 💬 Facebook 🌐 E-kengash 📸 Instagram