Xalıq deputatları Bozataw rayonlıq Keńesi 2-sanlı «Erik baǵ» saylaw okruginen deputat, rayon hákimi B.Ubbiniyazov tárepinen rayonlıq Xalıq qabıllawxanası imaratında belgilengen reje tiykarında gezektegi jeke tártiptegi qabıllaw ótkerildi. Onda rayon turǵınları tárepinen bildirilip atırǵan múrájatlardı úyreniw hám olardıń mashqalalarına unamlı sheshim tabıw máselelerine ayrıqsha itibar qaratıldı.

Qabıllaw dawamında puqaralar tárepinen qıytaq jerlerine aqaba suw jetkerip beriw, bántlik, turaq jay máseleleri hám basqa da turmıslıq mashqalalar boyınsha múrájatlar bildirildi.

Rayon hákimi hár bir puqaranıń múrájatın dıqqat penen tıńlap, kóterilgen máselelerdiń mazmun-mánisin hár tárepleme úyrendi. Múrájatlardı nızamlı hám ámeliy jaqtan sheshiw boyınsha juwapkerlerge tiyisli tapsırmalar berildi.

Puqaralardıń múrájatların óz waqtında kórip shıǵıw, xalıqtıń mashqalaların ornında úyreniw hám olarǵa ámeliy járdem kórsetiw bunnan bılay da rayon hákimligi jumısınıń áhmiyetli baǵdarlarınan biri bolıp qaladı.