Xalıq deputatları Bozataw rayonlıq Keńesi sekretariatınıń baslıǵı A.Ibragimov hám 13-sanlı "Porıltaw" saylaw okrugi deputatı K.Bisenovlar xalıqqa suyıltırılǵan gaz ballonlarınıń tarqatılıw jaǵdayın úyreniw boyınsha monitoring jumısları alıp barıldı.

Úyreniw dawamında gaz ballonlarınıń belgilengen grafikke muwapıq jetkerip beriliwi, tarqatıw procesiniń shólkemlestiriliwi, xalıqtıń usı xızmetten paydalanıw jaǵdayı hám bar bolǵan múrájatlar úyrenildi.

Sonday-aq, taraw juwapkerleri menen sáwbet ótkerilip, xalıqtı suyıltırılǵan gaz benen úzliksiz hám óz waqtında támiyinlew, xızmet sapasın jaqsılaw hám anıqlanǵan máselelerdi tez arada sheshiw boyınsha tiyisli usınıslar berildi.

Bunday úyreniwler xalıqtıń sociallıq turmısına tiyisli xızmetlerdiń sapasın arttırıw, múrájatlardı óz waqtında kórip shıǵıw hám orınlardaǵı jaǵdaydı baqlaw maqsetinde dawam ettiriledi.