SAVOL VA JAVOB: FAVQULODDA VAZIYATLAR BO‘YICHA HAMKORLIK VA MUROJAATLAR TAHLILI

🏛 Xalq deputatlari Olmazor tumani Kengashi raisi Shaxnoza Umarxodjayeva boshchiligida hamda doimiy komissiya a’zolari ishtirokida Favqulodda vaziyatlar boshqarmasi faoliyati yuzasidan o‘rganish olib borildi. O‘rganish davomida mas’ul xodimlarga tegishli savollar berilib, batafsil javoblar olindi.

🔹 Savol: Favqulodda vaziyatlar boshqarmasi qaysi tashkilotlar bilan hamkorlik qiladi? Bir oyda o‘rtacha nechta chaqiruv kuzatiladi va insonlar halok bo‘lishi bilan bog‘liq holatlar ham uchraydimi?

🔹 Javob: Boshqarma elektr ta’minoti, gaz ta’minoti va suv ta’minoti tashkilotlari bilan hamkorlikda faoliyat olib boradi. Yong‘in sodir bo‘lgan joyda inspektorlar tomonidan holat o‘rganilib, tegishli ma’lumotlar to‘planadi va rasmiylashtiriladi. Ushbu ma’lumotlar Toshkent shahar Favqulodda vaziyatlar bosh boshqarmasiga taqdim etilib, umumlashtiriladi.

📊 Bir oy davomida 10 tadan ortiq chaqiruv qayd etilishi, shuningdek, ayrim hollarda insonlar halok bo‘lishi bilan bog‘liq bir yoki ikkita hodisa kuzatilishi ma’lum qilindi. Bunday holatlar orasida yolg‘iz yashovchi fuqarolar bilan bog‘liq vaziyatlar ham uchrashi ta’kidlandi.

✅ Mazkur savol-javob favqulodda vaziyatlarning oldini olish, tegishli tashkilotlar o‘rtasidagi hamkorlik va aholi xavfsizligini ta’minlash borasidagi ishlar bilan yaqindan tanishish imkonini berdi.

👇 Bizni ijtimoiy tarmoqlarda kuzatib boring!