Paxta hosilini nes-nobud qilmasdan yig‘ib olish – e’tiborda

✅Xalq deputatlari Jondor tumani Kengashi deputati I. Xolov hamda tuman Kengashi kotibiyati bosh mutaxassisi J. Norov tomonidan Po‘loti mahallasida faoliyat yuritayotgan paxta yetishtiruvchi fermer xo‘jaliklari vakillari bilan uchrashuv o‘tkazildi.
✅Muloqot davomida joriy mavsumda yetishtirilgan paxta xomashyosini o‘z vaqtida va sifatli yig‘ib-terib olish, hosilni nes-nobud qilmaslik hamda mavjud imkoniyatlardan samarali foydalanish masalalariga alohida e’tibor qaratildi.
✅Fermerlar bilan suhbatda paxta hosilini yig‘ib-terib olish jarayonini uyushqoqlik bilan tashkil etish, terimni belgilangan muddatlarda yakunlash, hosilning dalada qolib ketishi va nobud bo‘lishining oldini olish yuzasidan zarur tavsiyalar berildi.
✅Shuningdek, mavsum davomida fermer xo‘jaliklari duch kelayotgan muammolar tinglanib, ularni tegishli tartibda o‘rganish va amaliy ko‘mak ko‘rsatish masalalari muhokama qilindi.
✅Deputatlik nazorati doirasidagi bunday uchrashuvlar hududda qishloq xo‘jaligi ishlarini samarali tashkil etish, fermerlarning muammolarini o‘rganish hamda yetishtirilgan hosilni to‘liq saqlab qolishga qaratilgan.