Deputat mahalla fuqarolari bilan uchrashdi

Xalq deputatlari Termiz tuman Kengashining 11-Sabzipoya saylov okrugi deputati S.Ikromov Sabzipoya mahalla fuqarolar yig‘ini faoliyati bilan yaqindan tanishdi.

Tashrif davomida mahallada olib borilayotgan ishlar, aholi uchun yaratilgan shart-sharoitlar hamda mavjud muammolar o‘rganildi. Shuningdek, mahallaga tashrif buyurgan fuqarolar bilan ochiq muloqot o‘tkazilib, ularning murojaat va takliflari tinglandi.

Bildirilgan murojaatlar yuzasidan tegishli masalalarni hal etish bo‘yicha mas’ullarga topshiriqlar berildi hamda ularni qonunchilik doirasida ijobiy hal etish choralarini ko‘rish yuzasidan kelishib olindi.

Bunday uchrashuvlar aholi bilan muloqotni mustahkamlash, hududdagi dolzarb masalalarni o‘z vaqtida aniqlash va ularni bartaraf etishda muhim ahamiyat kasb etadi.