Xalq deputatlari Tuproqqalʼa tumani Kengashi huzuridagi “Ekspert” guruhi masʼul kotibi Po‘lat Quvandikovich tomonidan «Sayopir» mahallasida jinoyatchilikning oldini olish va unga qarshi kurashish borasida amalga oshirilayotgan ishlar holati o‘rganildi.

O‘rganish jarayonida mahallada profilaktika inspektorlari tomonidan aholi o‘rtasida jinoyatchilikning oldini olish, huquqbuzarliklarni barvaqt aniqlash va ularga yo‘l qo‘ymaslik, shuningdek, jamoat xavfsizligini taʼminlash borasida olib borilayotgan ishlar tahlil qilindi.

Tahlillar davomida o‘tgan yilning shu davriga nisbatan joriy yilda mahallada kiberjinoyatchilik bilan bog‘liq holatlar oshgani maʼlum bo‘ldi.

Shu munosabat bilan kiberjinoyatchilikning oldini olish, aholining huquqiy va raqamli savodxonligini oshirish, fuqarolarni internet tarmoqlaridagi turli firibgarliklardan ogohlantirish maqsadida profilaktik tadbirlarni kuchaytirish zarurligi taʼkidlandi.