Xalq deputatlari Urganch shahar Kengashi deputati R.Baltayev Kambag'allikdan farovonlik sari dasturi doirasida shahardagi "Tozabog‘" mahallasidagi bir guruh extiyojmand oilalar vakillari bilan uchrashdi.

Uchrashuv davomida dastur doirasida amalga oshirilayotgan islohotlarning mazmun-mohiyati, xususan, ehtiyojmand oilalarni ijtimoiy qo‘llab-quvvatlash, ularning daromad manbalarini yaratish va bandligini ta’minlash masalalari atroflicha muhokama qilindi. 

Fuqarolar bilan suhbat jarayonida deputat R.Baltayev har bir oilaning yashash sharoiti, muammolari va takliflarini yakka tartibda tingladi. 

Uchrashuv yakunida deputat R.Baltayev shunchaki moddiy yordam berish emas, balki oilalarni "oyoqqa turg‘azish", ularning o‘z daromadlariga ega bo‘lishi uchun sharoit yaratish asosiy maqsad ekanligini ta’kidladi. Aniqlangan muammolar yechimi bo‘yicha tegishli mutasaddi tashkilotlarga deputatlik
so‘rovlari yuborilishi va har bir murojaat natijasi shaxsan nazorat qilinishi belgilab olindi.