Xalq deputatlari Shirin shahar Kengashi deputati D. Azizbayeva tomonidan saylovchilar bilan uchrashuv o‘tkazildi. 

️Uchrashuv davomida fuqarolar bilan ochiq va samimiy muloqot tashkil etilib, hududda mavjud dolzarb muammolar, ijtimoiy-iqtisodiy masalalar hamda aholi turmush darajasini yaxshilashga qaratilgan taklif va mulohazalar tinglandi.

Saylovchilar tomonidan yo‘l infratuzilmasini yaxshilash, ichimlik suvi ta’minotini barqarorlashtirish, elektr energiyasi uzluksizligini ta’minlash, hududni obodonlashtirish, bandlikni oshirish, shuningdek yoshlar va xotin-qizlarni qo‘llab-quvvatlashga oid bir qator murojaatlar bildirildi. 

Deputat tomonidan har bir murojaat alohida qayd etilib, ularni tegishli tashkilotlar bilan hamkorlikda ko‘rib chiqish va ijobiy hal etish yuzasidan choralar ko‘rilishi belgilandi.

Shuningdek, uchrashuv jarayonida hududda amalga oshirilayotgan ishlar haqida ma’lumot berilib, kelgusida rejalashtirilayotgan loyihalar yuzasidan tushuntirishlar berildi. Fuqarolar tomonidan bildirilgan taklif va tashabbuslar qo‘llab-quvvatlanib, ularni amaliyotga joriy etish muhimligi ta’kidlandi.

Yakunda deputat saylovchilar bilan doimiy aloqada bo‘lish, ularning murojaatlarini o‘z vaqtida o‘rganish va mavjud muammolarga yechim topish ustuvor vazifa ekanligini qayd etib, fuqarolarni hudud rivojiga befarq bo‘lmaslikka va faol ishtirok etishga chaqirdi.