Xalq deputatlari Qo‘qon shahar Kengashi deputati I.Fayzullayev tomonidan "Saodat" va "S.Abdulla" mahalla fuqarolar yig‘inlari aholisiga tibbiy xizmat ko‘rsatuvchi 7-oilaviy poliklinikada navbatdagi o‘rganish ishlari olib borildi.

O‘rganish davomida O‘zbekiston Respublikasi Sog‘liqni saqlash vazirligi tomonidan tasdiqlangan 24 turdagi tavsiya asosida bepul beriladigan dori vositalari bilan aholini ta’minlash holati, ularning hisobini yuritish hamda saqlash sharoitlari atroflicha ko‘rib chiqildi.

Xususan, bepul dori vositalarining zaxirasi, ularni ehtiyojmand bemorlarga belgilangan tartibda yetkazish, saqlash muddatlariga rioya etilishi, omborxona sharoitlari hamda dori vositalarining sifatini saqlash bo‘yicha amalga oshirilayotgan ishlar tahlil qilindi.

Shuningdek, poliklinika mas’ullari bilan dori vositalarini maqsadli va shaffof taqsimlash, aholining imtiyozli dori vositalaridan foydalanish imkoniyatlarini kengaytirish hamda mazkur yo‘nalishdagi ishlar samaradorligini yanada oshirish yuzasidan fikr almashildi.

Uchrashuv va o‘rganish jarayonida Xalq deputatlari Qo‘qon shahar Kengashi kotibiyat mudiri A.Nosirov hamda Kengashi kotibiyati bosh mutaxassisi A.Adhamovlar tomonidan amaliy ko‘mak ko‘rsatildi.

Xalq deputatlari Qo‘qon shahar Kengashi