Xalq deputatlari Shovot tumani Kengashi kotibiyati bosh mutaxassisi U. Ruzmetov hamda tuman Kengashi deputati A. Kalandarov tomonidan saylov okrugidagi fuqarolarni qiynayotgan dolzarb masalalar yuzasidan tegishli mas’ul tashkilotlarga deputatlik so‘rovlari tayyorlanmoqda.
Mazkur deputatlik so‘rovlari aholi murojaatlarini o‘rganish, mavjud muammolarni qonunchilik doirasida hal etish va mutasaddi tashkilotlarning mas’uliyatini oshirishga xizmat qiladi. Har bir murojaat atroflicha tahlil qilinib, uning ijrosi ustidan deputatlik nazorati o‘rnatilishi ko‘zda tutilgan.
Fuqarolarning turmush farovonligini oshirish, hududlarda infratuzilmani rivojlantirish hamda aholini o‘ylantirayotgan masalalarga o‘z vaqtida yechim topish xalq deputatlari faoliyatining ustuvor yo‘nalishlaridan biridir.
Shovot tumani Kengashi deputatlari va kotibiyati bundan buyon ham aholi manfaatlarini himoya qilish, ularning qonuniy talab va takliflarini tegishli tashkilotlarga yetkazish hamda ularning ijrosini ta’minlash borasidagi ishlarni izchil davom ettiradi.