Xalq deputatlari Nurobod tumani Kengashining Agrar, suv xo‘jaligi va ekologiya masalalari bo‘yicha doimiy komissiyasi kotibi G.Isaeva doimiy komissiyaga biriktirilgan tashkilot vakili bilan hamkorlikda tumandagi 19-Tim saylov okrugiga qarashli Arabota mahallasida aholi muammolarini o‘rganish maqsadida sayyor o‘rganish ishlarini olib bordi.

⚡️O‘rganish jarayonida fuqarolar bilan ochiq muloqot o‘tkazilib, ularning kundalik hayotida uchrayotgan ijtimoiy va kommunal sohadagi muammolar atroflicha o‘rganildi.

⚡️ Ma’lum bo‘lishicha, O‘zbekiston Respublikasi Prezidentining 2024-yil 23-sentyabrdagi “Kambag‘allikdan farovonlik sari” dasturi doirasidagi PQ-330-son qaroriga muvofiq Arabota mahallasida 60 ta yangi beton tayanch ustunlari (simyog‘ochlar) o‘rnatilgan. Shu bilan birga, ushbu yangi tayanchlar o‘rnatilishi natijasida bo‘shagan va foydalanishga yaroqli bo‘lgan eski yog‘och ustunlarni mahalla hududidagi guzarlarda yaroqsiz holga kelib qolgan elektr tayanchlari o‘rniga almashtirish zarurligi ta’kidlandi.

🔷Bundan tashqari, o‘rganish davomida mahallaning ayrim hududlarida elektr energiyasi ta’minotining yetarli emasligi, mavjud tarmoqlarga tushayotgan yuklamaning ortib borayotgani sababli qo‘shimcha transformator ajratish masalasi dolzarb ekanligi aniqlandi.

🔷Shuningdek, aholi tomonidan suyultirilgan gaz ballonlarini yetkazib berish bilan bog‘liq muammolar ham ko‘tarildi. Xususan, fuqarolar tomonidan suyultirilgan gaz ballonlari o‘z vaqtida yetkazib berilmayotgani, ayrim hududlarga esa 100 kundan ortiq muddat davomida gaz ballonlari yetib kelmagani sababli aholi turmushida qator noqulayliklar yuzaga kelayotgani bildirildi.

🔘O‘rganish yakunlari bo‘yicha:

🔘 mahalladagi yaroqsiz elektr tayanch ustunlarini foydalanishga yaroqli eski simyog‘ochlar hisobidan almashtirish;
🔘 elektr energiyasi ta’minotini yaxshilash maqsadida qo‘shimcha transformator ajratish masalasini ko‘rib chiqish;
🔘 suyultirilgan gaz ballonlarini o‘z vaqtida va belgilangan grafik asosida yetkazib berishni yo‘lga qo‘yish yuzasidan tegishli tashkilotlarga taklif va tavsiyalar kiritish belgilandi.

➡️Xalq deputatlari Nurobod tumani Kengashi tomonidan fuqarolar murojaatlarida ko‘tarilgan masalalarni hal etish, aholi uchun munosib turmush sharoitlarini yaratish hamda mavjud muammolarni bartaraf etish bo‘yicha nazorat tadbirlari izchil davom ettiriladi.