Xalq deputatlari Jondor tumani Kengashiga 5-Oydin saylov okrugidan saylangan deputat O.Muzaffarova hamda tuman Kengashi kotibiyati mudiri I.Xolov hamkorligida tumandagi 40-umumiy o‘rta ta’lim maktabida saylovchilar bilan uchrashuv tashkil etildi.

✔️Mazkur uchrashuvda “Oydin” mahalla yettiligi vakillari, mahalla hokim yordamchisi hamda keng jamoatchilik ishtirok etdi. Tadbir davomida hududda olib borilayotgan ijtimoiy-iqtisodiy ishlar, ayniqsa aholini kambagʻallikdan chiqarish borasida amalga oshirilayotgan chora-tadbirlar muhokama qilindi.

✔️Mahalla hokim yordamchisi tomonidan taqdim etilgan hisobotda oilalarni daromad manbai bilan ta’minlash, tadbirkorlikka jalb etish, kasb-hunar o‘rgatish va subsidiya berish asosida qo‘llab-quvvatlash yo‘nalishlarida erishilgan natijalar alohida ta’kidlandi. Shuningdek, ehtiyojmand oilalarni aniqlash, ularga manzilli yordam ko‘rsatish va doimiy monitoring olib borish tizimi haqida ham batafsil ma’lumot berildi.

✔️Uchrashuv jarayonida fuqarolar o‘zlarini qiynayotgan muammolar, taklif va mulohazalarini ochiq bayon etdilar. Saylovchilar tomonidan bildirilgan murojaatlar belgilangan tartibda o‘rganilib, amaliy yordam ko‘rsatish yuzasidan mas’ullarga tegishli topshiriqlar berildi.

✔️Tadbir yakunida aholi bilan bunday ochiq va samimiy muloqotlar hududlarda mavjud muammolarni o‘z vaqtida aniqlash hamda ularni bartaraf etishda muhim ahamiyat kasb etishi alohida qayd etildi.