Olmaliq shahar soliq inspeksiyasi hamda shahardagi 41 ta mahallaga biriktirilgan soliq inspektorlarining xizmat faoliyati deputatlik o‘rganishidan o‘tkazildi.

Xalq deputatlari Olmaliq shahar Kengashi deputatlari Abdujabbor Djurayev hamda Zuhra Pulatova tomonidan o‘tkazilgan mazkur o‘rganishda asosiy e’tibor quyidagi jihatlarga qaratildi:

📉 Soliq qarzdorligini qisqartirish: Mahallalardagi soliq inspektorlari tomonidan jismoniy va yuridik shaxslarning soliq qarzdorligini undirish, muddati o‘tgan to‘lovlar bo‘yicha amalga oshirilayotgan profilaktik tadbirlar samaradorligi;📂 Hujjatlar bilan ishlash: Soliq inspektorlarining xizmat faoliyatiga doir me’yoriy hujjatlar, xatlov dalolatnomalari va hisobotlarning yuritilish holati;

⚖️ Qonun ustuvorligi: Undiruv jarayonlarida qonun talablariga rioya etilishi hamda fuqarolarning huquqlari himoya qilinishi.

O‘rganish davomida deputatlar soliq inspektorlarining ish yuklamasi va mahallalardagi real holatni tahlil qildilar. Yakunda soliq bazasini kengaytirish va qarzdorlikni kamaytirishda "Soliqchi — ko‘makchi" tamoyili asosida ish tashkil etish yuzasidan tavsiya va ko‘rsatmalar berildi.