Xalq deputatlari Qibray tuman Kengashining “Korrupsiyaga qarshi kurashish, davlat organlarida ochiqlikni ta’minlash va huquq masalalari bo‘yicha doimiy komissiya”ning navbatdagi yig‘ilishi bo‘lib o‘tdi.

Mazkur yig‘ilishda doimiy komissiya aʼzolari, kotibiyat mudiri, kotibiyat bosh mutaxassisi, tuman prokurori o‘rinbosari, tuman adliya bo‘limi boshlig‘i, tuman IIB хodimi, hamda “Madad” NNT Qibray tuman vakili ishtirok etdi.

Yig‘ilish kun tartibiga muhim masalalar:

- tuman prokurorining 1-chorak bo’yicha axboroti;

- tuman adliya bo‘limining BUSh “Zvyozdochka” bo’yicha ma’lumoti va takliflari;

-tuman IIB ning 1-chorak bo’yicha hisoboti muhokama qilindi.

Muhokamalar davomida korrupsiyaga qarshi kurashish, davlat organlari faoliyatida ochiqlik va shaffoflikni ta’minlash, fuqarolarning huquq va manfaatlarini ishonchli himoya qilish borasida amalga oshirilayotgan ishlar atroflicha tahlil qilindi.

Shuningdek, “Madad” NNT Qibray tuman vakili S.Eshbakov tomonidan aholiga bepul huquqiy yordam ko‘rsatish, murojaatlar bilan ishlash va ularning yechimini ta’minlash borasida olib borilayotgan ishlar yuzasidan ma’lumot berildi.

Yig‘ilish yakunida kun tartibidagi masalalar bo‘yicha tegishli tavsiyalar va vazifalar belgilab olindi.