Xalq deputatlari Narpay tumani Kengashi deputati Barno Tog‘ayeva tomonidan Davlat xizmatlari markazi va Fuqarolik holati dalolatnomasini yozish bo‘limi (FHDYo) faoliyati o‘rganildi.

O‘rganish davomida aholiga xizmat koʻrsatish sifati, navbat kutish jarayonida fuqarolarga yetarlicha shart-sharoitlar yaratilganligi, nikohni rasmiylashtirish, tug‘ilganlik, vafot etganlik va boshqa huquqiy ahamiyatga ega bo‘lgan hujjatlarni qayd etish bo‘yicha ko‘rsatilayotgan xizmatlarning amaldagi tartibi, murojaatni ko‘rib chiqilishi o‘rganildi.

Shuningdek, elektron navbat tizimi, aholiga maslahat berish sifati, nogironligi bo‘lgan shaxslar uchun yaratilgan imkoniyatlar va zamonaviy xizmat standartlariga rioya etilishi koʻzdan kechirildi.

Deputat aholiga ko‘rsatiladigan xizmatlar qulay va tezkor bo‘lishi bo‘yicha oʻzining tavsiyalarini berdi.