rganch shahrida aholiga ko’rsatilayotgan ijtimoiy xizmatlar sifatini oshirish va sanitariya-gigiyena talablariga rioya etilishini ta’minlash — Xalq deputatlari shahar Kengashi doimiy komissiyasining diqqat markazida. 

Joriy yilning 7-aprel kuni Ijtimoiy soha, yoshlar siyosati, madaniyat va sport masalalari bo‘yicha doimiy komissiyasining navbatdagi yig‘ilishi bo‘lib o‘tdi. Unda O‘zbekiston Respublikasi Vazirlar Mahkamasining 799-sonli qarori ijrosi, xususan, shahar hududidagi jamoat maskanlari va ijtimoiy muassasalarning sanitariya holati muhokama qilindi. 

 🔍 O'rganishlar natijasida davomida ba’zi muassasalarda kamchiliklar ko'zga tashlandi: 

· Ta’lim muassasalari: 2-sonli maktabning tashqi hojatxonasi kosmetik ta’mirga, 1 va 3-sonli maktablarning hojatxonalari esa qayta jihozlashga muhtoj. 

· Tibbiyot maskanlari: Shahar tibbiyot birlashmasi, 1-sonli oilaviy poliklinika hamda Viloyat ko‘p tarmoqli tibbiyot markazi hojatxonalarida joriy ta’mirlash va zamonaviy jihozlash ishlarini amalga oshirish lozimligi belgilandi. 

Umumiy ovqatlanish shoxobchalari: O'rganilgan 7 ta ob’ektda sanitariya me’yorlarini (SanQ va M 01-00-25) buzish holatlari aniqlanib, ularni bartaraf etish bo‘yicha ko‘rsatmalar berildi. 

 ✅ Maqsadimiz bitta: Har bir fuqaro va shahrimiz mehmonlari uchun qulay, xavfsiz va sanitariya talablariga to‘liq javob beradigan sharoitlarni yaratish. Bu boradagi profilaktik tadbirlar va nazorat reydlari izchil davom ettiriladi.