Mazkur tashrif O‘zbekiston Respublikasi Prezidentining mahalliy davlat hokimiyati vakillik organlari faoliyatini 2030-yilgacha rivojlantirishga oid farmoni ijrosini ta’minlash doirasida tashkil etildi.

Andijon viloyati Kengashi raisi U.Axunov boshchiligidagi delegatsiyasi Xalq deputatlari Jizzax shahar Kengashi binosiga tashrif buyurdi. Mehmonlar dastlab mahalliy deputatlar faoliyati uchun yaratilgan sharoitlar, zamonaviy ish uslublari hamda Kengash faoliyatining tashkiliy jihatlari bilan yaqindan tanishdilar.

Shuningdek, uchrashuv davomida hududlarni ijtimoiy-iqtisodiy rivojlantirish, aholi murojaatlari bilan samarali ishlash, deputatlik nazoratini kuchaytirish hamda ochiqlik va shaffoflikni ta’minlash borasidagi ilg‘or tajribalar yuzasidan o‘zaro fikr almashildi.

Tomonlar bu kabi tajriba almashuv tashriflari hududlar o‘rtasida hamkorlikni mustahkamlash, samarali boshqaruv mexanizmlarini joriy etish hamda mahalliy Kengashlar faoliyatini yanada takomillashtirishda muhim ahamiyat kasb etishini ta’kidladilar.

Uchrashuv yakunida kelgusida ham o‘zaro hamkorlikni kengaytirish, ilg‘or tajribalarni amaliyotga joriy etish bo‘yicha kelishuvlarga erishildi.