Xalq deputatlari Furqat tumani Kengashi deputati N.Maxkamov tomonidan 2-Surpa saylov okrugiga qarashli Qushchi MFY hududida fuqarolar bilan uchrashuv tashkil etildi. Uchrashuv davomida aholi tomonidan bildirilgan murojaatlar atroflicha o‘rganildi.

Xususan, fuqarolar tomonidan ichki yo‘llarni ta’mirlash, ichimlik suvi ta’minotini yaxshilash, elektr energiyasi uzilishlarini bartaraf etish hamda ijtimoiy yordamga muhtoj oilalarni qo‘llab-quvvatlash masalalarida murojaatlar kelib tushdi.

Deputat tomonidan har bir murojaat tegishli tartibda ro‘yxatga olinib, ularni hal etish yuzasidan mutasaddi tashkilotlarga deputatlik so‘rovlari yuborilishi hamda nazoratga olinishi belgilandi.

Shuningdek, uchrashuv davomida fuqarolarga ularni qiynayotgan muammolarni hal etish bo‘yicha huquqiy tushuntirishlar berildi