Boyovut tumani tajribasi asosida ishlab chiqilgan “Yo‘l xarita” hamda uning doirasida tumanda ijtimoiy sohani rivojlantirishga qaratilgan kichik dasturda belgilangan vazifalar ijrosi yuzasidan tizimli o‘rganishlar olib borilmoqda.

✅ Mazkur “Yo‘l xarita”ning 14-bandida nazarda tutilgan homilador ayollarni prenatal skriningdan o‘tkazish tadbirlarini amalga oshirish maqsadida tuman Kengashi deputati Gulsara Rizayeva tashabbusi bilan amaliy ishlar olib borildi.

️Jumladan, bir guruh homilador ayollar bepul prenatal skrining tekshiruvlaridan o‘tkazilib, ularga malakali tibbiy ko‘rik tashkil etildi. Shuningdek, mutaxassislar tomonidan homiladorlik davrida sog‘liqni saqlash, to‘g‘ri ovqatlanish hamda profilaktik choralar yuzasidan zarur tavsiya va maslahatlar berildi.

️Mazkur tadbirlar onalar va bolalar salomatligini mustahkamlash, homiladorlik davrida yuzaga kelishi mumkin bo‘lgan xavflarni erta aniqlashga xizmat qilmoqda.