Tuman hokimi Otabek Mavlyanov, Xalq deputatlari viloyati va tuman Kengashi deputatlari A.Oripov, Yu.Hakimov hamda A.Mamatmuratovlar boshchiligida Qoratepa mahallasi aholisi hamda nuroniylari ishtirokida mahallani yanada obodonlashtirish va hudud infratuzilmasini yaxshilash masalalariga bag‘ishlangan yig‘ilish bo‘lib o‘tdi. 

Mahallada olib borilayotgan bunyodkorlik ishlari atroflicha muhokama qilinib, mavjud muammolarni bartaraf etish, ichki yo‘llarni ta’mirlash,
ko‘chalarni yoritish, tozalikni ta’minlash hamda yashil hududlarni kengaytirish bo‘yicha aniq vazifalar belgilab olindi. 

Ayniqsa, nuroniylarning faol ishtiroki va tashabbuskorligi alohida e’tirof etildi. Ular tomonidan har bir xonadon egalarini obodonlashtirish
ishlariga jalb etish, mahallada hamjihatlik muhitini mustahkamlash borasida samarali ishlar amalga oshirilayotgani ta’kidlandi. 

Qoratepa mahallasini yanada obod va ko‘rkam maskanga aylantirish yo‘lida ishlar izchil davom ettiriladi. 

Oltinsoy tumani Kengashi Kotibiyati Axborot xizmati