Xalq bilan muloqot qilish, ularning dard-u tashvishlariga quloq tutish va muammolarga yechim topish bugungi kun deputatlarining asosiy vazifasidir. Xalq deputatlari Oqoltin tumani deputatlari Gulnora Qorayeva hamda Odiljon Aliqulovlar tomonidan Shodlik MFYda aholi bilan uchrashuv o'tkazildi. 

  Samimiy ruhda o‘tgan muloqot davomida mahalla fuqarolarini qiynab kelayotgan bir qator masalalar ko‘rib chiqildi: 

  Imtiyozli kreditlar: Tadbirkorlik boshlash va oilaviy daromadni oshirish niyatida bo‘lgan fuqarolarga bank kreditlari olish tartibi bo'yicha tushuntirishlar berildi. 

  Kadastr masalalari: Turar joylarni rasmiylashtirish va mulk huquqi bilan bog'liq muammolar tahlil qilinib, huquqiy maslahatlar berildi. 

  Aholi bandligi: Ishsiz fuqarolar, ayniqsa, yoshlar va xotin-qizlar bandligini ta’minlash, ularni kasb-hunarga yo‘naltirish masalalari diqqat markazida bo'ldi. 

  Xalq deputatlari Oqoltin tumani Kengashi kotibiyati.