Xalq deputatlari Qo‘qon shahar Kengashining “Ijtimoiy soha, yoshlar siyosati, madaniyat va sport masalalari bo‘yicha” doimiy komissiyasi a’zolari tomonidan shahardagi 6-son Bolalar musiqa va san’at maktabida 2026–2027-o‘quv yili uchun qabul jarayonlari yuzasidan o‘rganish ishlari olib borildi.

O‘rganish davomida qabul jarayonining ochiqligi va shaffofligi, hujjatlarni qabul qilish tartibi, kirish sinovlarining tashkil etilishi, o‘quvchilar uchun yaratilgan shart-sharoitlar hamda ota-onalar uchun qulayliklar atroflicha ko‘zdan kechirildi.

Shuningdek, maktabdagi ta’lim sifati, moddiy-texnik baza, sinf xonalarining holati, musiqa cholg‘ulari bilan ta’minlanganlik darajasi hamda o‘quv jarayonini samarali tashkil etish uchun yaratilgan imkoniyatlar o‘rganildi.

Ota-onalar va farzandlar uchun qabul jarayonida zarur tushuntirishlar berilishi, hujjatlarni rasmiylashtirishda qulay sharoitlar yaratilishi hamda kirish sinovlarini belgilangan tartibda tashkil etish masalalariga alohida e’tibor qaratildi.

O‘rganish yakunida yoshlarning musiqa va san’atga bo‘lgan qiziqishini qo‘llab-quvvatlash, iqtidorli o‘quvchilarni aniqlash hamda maktabdagi ta’lim jarayoni uchun yaratilgan shart-sharoitlarni yanada yaxshilash yuzasidan tegishli taklif va tavsiyalar bildirildi.

Xalq deputatlari Qo‘qon shahar Kengashi