Xalq deputatlari Parkent tumani Kengashiga 5-Changi saylov okrugidan saylangan deputat Mahkamova Feruza Sa'diyevna tomonidan deputatlik nazorati doirasida Parkent tuman Axborot-kutubxona markazi faoliyati
o‘rganildi.O‘rganish jarayonida markazning ish faoliyati, kitob fondi, kitobxonlar uchun yaratilgan sharoitlar hamda axborot-kutubxona xizmatlari sifati bilan tanishildi. Shuningdek, amaldagi qonunchilikdagi yangiliklar va qabul qilinayotgan me'yoriy-huquqiy hujjatlarning mazmun-mohiyati yuzasidan tushuntirishlar berildi.Ma'lumotlarga ko‘ra, Axborot-kutubxona markazi fondida 66 ming 722 ta adabiyot, shundan 52 ming 937 tasi kitob bo‘lib, markaz xizmatidan foydalanuvchi kitobxonlar soni 9 ming 675 nafarga yetgan.Shuningdek, muassasa xodimlarining taklif va mulohazalari tinglanib, axborot-kutubxona markazi faoliyatini yanada takomillashtirish, yoshlar o‘rtasida kitobxonlik madaniyatini keng targ‘ib etish hamda ularning bo‘sh vaqtini mazmunli tashkil etish masalalari yuzasidan fikr almashildi.O‘rganish yakunida aniqlangan holatlar va bildirilgan takliflar yuzasidan tegishli xulosalar chiqarilib, masala deputatlik nazorati doirasida nazoratga olindi. Deputatlik nazorati bunday o‘rganishlar orqali aholiga ko‘rsatilayotgan xizmatlar sifatini yanada oshirish va sohada mavjud muammolarni bartaraf etishga xizmat qiladi.