Халқ депутатлари Янгиқўрғон тумани Кенгаши котибияти мудири Эргашева Мунисхон Рустамбековна ҳамда туман Кенгаши депутати Мирзалиев Ҳабибулло Авазбекович сайлов округида жойлашган Қайроқи маҳалласида бўлиб, маҳалла раиси билан учрашдилар.
Учрашув давомида маҳалладаги мавжуд муаммолар, аҳолини қийнаб келаётган ижтимоий ва инфратузилмавий масалалар, ички йўллар, электр энергияси, ичимлик суви таъминоти, ободонлаштириш ҳамда аҳоли бандлигини таъминлаш билан боғлиқ ҳолатлар муҳокама қилинди.
Шунингдек, маҳалла ҳудудида амалга оширилаётган ишлар, фуқаролардан келиб тушаётган мурожаатлар ва уларни ҳал этиш чоралари юзасидан маҳалла раиси томонидан маълумот берилди.
Аниқланган муаммоларни тегишли ташкилотлар билан ҳамкорликда бартараф этиш, фуқаролар мурожаатларини қонуний ва ижобий ҳал қилиш ҳамда уларнинг ижросини депутатлик назоратига олиш бўйича вазифалар белгилаб олинди.