At-Termiziy MFYda o‘rganish ishlari olib borildi

Joriy yilning 8-may kuni Xalq deputatlari viloyat Kengashi deputati S.Nazarova, tuman Kengashi kotibiyat mudiri A.Avliyakulov hamda tuman hokimligi bosh mutaxassisi O‘.Shamiyev ishtirokida “At-Termiziy” mahallasida navbatdagi o‘rganish ishlari olib borildi.

Uchrashuv va o‘rganish markazida quyidagi masalalar bo‘ldi:

“Mahalla yettiligi” faoliyati: Deputat mahalla faollari bilan uchrashib, har bir yo‘nalish bo‘yicha amalga oshirilayotgan ishlar, ayniqsa, aholi bandligini ta’minlash va tadbirkorlikni rivojlantirish borasidagi ko‘rsatkichlarni tahlil qildi.
Murojaatlar ijrosi: Mahalla hududidagi ijtimoiy obyektlarning holati va fuqarolar tomonidan ko‘tarilgan muammolarning hal etilishi darajasi o‘rganildi.
Ichki yo‘llar holati: Mahalla hududidagi ta’mirtalab ichki yo‘llar ko‘zdan kechirildi. Aholi harakati uchun qulaylik yaratish maqsadida yo‘llarni shag‘allashtirish va asfaltlash bo‘yicha amalga oshirilishi lozim bo‘lgan ishlar belgilab olindi.

"Mahalla — islohotlarning bosh bo‘g‘ini. Har bir fuqaroning dardi bilan yashash, hudud drayverlarini ishga solish asosiy vazifamizdir," — deb ta’kidladi S.Nazarova.
O‘rganish yakunida aniqlangan kamchiliklarni bartaraf etish yuzasidan yo‘l xaritasi belgilab olindi va ijrosi deputatlik nazoratiga olindi.