Xalq deputatlari Bekobod shahar Kengashining 15-“Shirin” saylov okrugidan saylangan Ekologiya partiyasi deputati M.Xoliqova hamda deputatlar U.Abdunazarov va G.Abdullayevalar tomonidan “Shirin” MFY hududida saylovchilar bilan uchrashuv va sayyor qabul tashkil etildi. Uchrashuv davomida hududni ijtimoiy-iqtisodiy rivojlantirish borasida amalga oshirilayotgan ishlar, mahallada infratuzilmani yaxshilash, aholi bandligini taʼminlash, ijtimoiy himoyaga muhtoj oilalarni qo‘llab-quvvatlash, kommunal
xizmatlar sifatini oshirish hamda obodonlashtirish yo‘nalishlarida olib borilayotgan chora-tadbirlar yuzasidan batafsil maʼlumot berildi. Shuningdek, mahalla aholisini qiynab kelayotgan muammolar, jumladan kommunal xizmatlar, yo‘l infratuzilmasi, bandlik
va ijtimoiy masalalar bo‘yicha fuqarolarning murojaat va takliflari tinglandi. Bildirilgan murojaatlar yuzasidan mas’ul tashkilotlar bilan hamkorlikda amaliy choralar ko‘rish, muammolarni bosqichma-bosqich hal etish bo‘yicha tegishli tavsiyalar berildi.