Xalq deputatlari Angor tumani Kengashi deputati Sevara Yo'ldosheva tomonidan tuman Maktabgacha va maktab ta’limi tashkiloti rahbariga deputatlik so‘rovi yuborildi.
Mazkur so‘rov orqali hududimizda madaniyat va san’at sohasini rivojlantirish, xususan umumiy o‘rta ta’lim muassasalarida milliy musiqa cholg‘ularini o‘rgatish, amaliy to‘garaklar faoliyatini samarali tashkil etish, hamda ta’lim muassasalarini zarur musiqa asboblari va o‘quv-metodik materiallar bilan ta’minlash holati yuzasidan batafsil ma’lumotlar so'raldi. Shuningdek, musiqa fani o‘qituvchilarining malakasini oshirish, ularni qayta tayyorlash va milliy cholg‘ularda ijro etish ko‘nikmalarini rivojlantirish borasida amalga oshirilayotgan ishlar tahlili taqdim etilishi ham qayd etilgan. Mazkur so'rovni yuborishdan asosiy maqsad hududdagi maktablarda musiqa ta’limi sifatini oshirish, o‘quvchilarning milliy san’atga qiziqishini kuchaytirish, mavjud muammolarni aniqlab, ularni bartaraf etish bo‘yicha aniq choralar belgilashdan iborat.