Xalq deputatlari Angor tuman Kengashining 18-Yangi turmush saylov okrugi deputati Yo‘ldosheva Sevara tomonidan hududdagi Yangi turmush mahallasidagi olib borilayotgan infratuzilma ishlari joyiga chiqib o‘rganildi. O‘rganish jarayonida tuman Kengashi kotibiyati bosh mutaxassisi Choriyeva Mahliyo ham ishtirok etdi. O'rganish davomida mahallada amalga oshirilayotgan obodonlashtirish ishlari, xususan, yangi ko‘prikning qurilib foydalanishga topshirilgani hamda yo‘l harakati xavfsizligini ta’minlash maqsadida zamonaviy svetoforning o‘rnatilgani alohida e’tibor bilan ko‘zdan kechirildi. Ta’kidlanganidek, mazkur infratuzilmaviy yangilanishlar aholi uchun qulay shart-sharoitlar yaratish, xavfsiz harakatni ta’minlash va hududning umumiy qiyofasini yaxshilashda muhim ahamiyat kasb etmoqda.Shu bilan birga, mahalladagi elektr ta’minoti bilan bog‘liq murojaatlar ham joyiga chiqib o‘rganildi. Deputat tomonidan fuqarolar bilan muloqot o‘tkazilib, ularning muammolari tinglandi hamda tegishli tashkilotlarga deputatlik so'rovi yuborilishi belgilandi. Mazkur o‘rganish ishlari hududni kompleks rivojlantirish, aholining turmush darajasini yaxshilash va mavjud muammolarni tizimli hal etishga qaratilgan amaliy sa’y-harakatlarning muhim qismi sifatida davom ettirilmoqda.