MAHALLADAGI FAOLIYAT SAMARADORLIGI O‘RGANILDI.

Xalq deputatlari Kattaqo‘rg‘on shahar Kengashining 4-Abdulxamid Majidiy saylov okrugi deputati N.Xakimov tomonidan “G‘arb machit” mahallasida o‘rganish ishlari olib borildi.

O‘rganish davomida mahalla xotin-qizlar faoli tomonidan amalga oshirilayotgan ishlar samaradorligi, xotin-qizlarni qo‘llab-quvvatlash, ularning bandligini ta’minlash, ijtimoiy muammolarini o‘rganish hamda ma’naviy-ma’rifiy tadbirlar tashkil etish borasidagi faoliyat holati ko‘rib chiqildi.

Shuningdek, mahalla raisi faoliyati, hududda olib borilayotgan obodonlashtirish ishlari, fuqarolar murojaatlari bilan ishlash, ijtimoiy muammolarni hal etish va aholi bilan muloqot tizimi yuzasidan atroflicha suhbat olib borildi.

Mahalla faollari bilan o‘tkazilgan muloqot davomida mavjud muammolar, ularni bartaraf etish choralari hamda mahalla tizimi samaradorligini yanada oshirish bo‘yicha fikr va takliflar bildirildi.

Fuqarolar manfaatlarini ta’minlash, mahallalarda ijtimoiy muhitni yaxshilash hamda xotin-qizlarni qo‘llab-quvvatlashga qaratilgan nazorat va o‘rganish ishlari davom ettiriladi.

Mahalla taraqqiyoti va aholi farovonligi — doimiy e’tiborda.