Xalq deputatlari Xorazm viloyati Kengashi deputati K. Babajanov tomonidan o‘z deputatlik vakolatlari doirasida Hazorasp tumanining Yangibozor mahallasida joylashgan 13-sonli maktabgacha ta’lim tashkilotida kuz-qish mavsumida isitish tizimining ishlash holati o‘rganildi.

Deputatlik nazorati davomida maktabgacha ta’lim tashkilotining isitish tizimi holati, uning sovuq mavsumda uzluksiz ishlashga tayyorligi hamda tarbiyalanuvchilar uchun me’yoriy harorat va qulay sharoitlarni ta’minlash masalalariga e’tibor qaratildi.

O‘rganishdan maqsad — isitish tizimi bilan bog‘liq mavjud kamchiliklarni aniqlash, ularni bartaraf etish choralarini ko‘rish hamda bolalar salomatligi va xavfsizligini ta’minlashga ko‘maklashish.

Deputatlik nazorati — muammolarni aniqlash va ularning yechimini ta’minlashga xizmat qiladi!