ҲАР БИР ОИЛА ДАРОМАДИ — ЭЪТИБОР МАРКАЗИДА
Уйчи туманида   камбағалликни қисқартириш, аҳоли бандлигини таъминлаш ва даромад манбаларини кўпайтириш борасидаги ишларни янги босқичга олиб чиқиш бўйича амалга оширилган ишлар билан танишилмоқда.

Республика ишчи гуруҳи вакили, Ўзбекистон Республикаси Вазирлар Маҳкамаси ҳузуридаги Енгил саноатни ривожлантириш агентлиги директори Нозимжон Холмуродов, вилоят ҳокимининг биринчи ўринбосари Зуҳриддин Баҳриддинов, Халқ депутатлари Уйчи туман Кенгаши депутати, туман ҳокими Музаффар Абдуллаев Дўстлик маҳалласи ҳудудида бу борада амалга оширилаётган ишларни ўрганишди. Маҳалла еттилиги фаолияти, камбағал оилалар билан манзилли ишлаш, уларнинг даромад топиш имкониятларини кенгайтириш, бандлигини таъминлаш ҳамда мавжуд муаммоларни маҳалланинг ўзида ҳал этиш масалаларига алоҳида эътибор қаратилди.

Шу билан бирга, ҳар бир маҳалла ва оила кесимида аниқ натижага йўналтирилган ёндашувни кучайтириш, мавжуд имконият ва ресурслардан самарали фойдаланиш, аҳолига доимий даромад келтирадиган лойиҳаларни ишга тушириш бўйича вазифалар белгилаб берилди.