#deputat_faoliyati
#24_ta_tavsiyalar_ijrosi
#haftalik_ish_reja_ijrosi
#kotibiyat_xodimi_faoliyati
#KQ_35

HUDUDDAGI MUAMMOLI MASALALAR KO‘CHAMA-KO‘CHA O‘RGANILDI

Xalq deputatlari Termiz tuman Kengashi 8-Tajribakor saylov okrugi deputati, Kengash kotibiyat mudiri A. Avliyakulov hamda deputat M. Eshtemirov tomonidan MFY yettiligi vakillari bilan hamkorlikda hududdagi mavjud muammoli masalalar ko‘chama-ko‘cha yurib, joyiga chiqqan holda o‘rganildi.

O‘rganish davomida ko‘chalardagi infratuzilma, obodonlashtirish, elektr va boshqa kommunal xizmatlar bilan bog‘liq masalalar, shuningdek, fuqarolarni qiynab kelayotgan muammolarga alohida e’tibor qaratildi.

Jarayon davomida aholi vakillari bilan bevosita muloqot qilinib, ularning murojaatlari, taklif va mulohazalari tinglandi. Aniqlangan masalalar yuzasidan mas’ul tashkilotlar bilan hamkorlikda tegishli choralarni ko‘rish hamda muammolarni bosqichma-bosqich bartaraf etish bo‘yicha vazifalar belgilab olindi.

Hududdagi muammolarni mahallaning o‘zida aniqlash, fuqarolar murojaatlarini joyida o‘rganish va ularning yechimini ta’minlash maqsadida bunday o‘rganishlar muntazam davom ettiriladi.