Xalq deputatlari Bag‘dod tumani Kengashining "Ijtimoiy soha, yoshlar siyosati, madaniyat va sport masalalari bo‘yicha" doimiy komissiyasining navbatdagi yig‘ilishi bo‘lib o‘tdi.

Yig‘ilishda tuman Kengashi huzurida tuzilgan ishchi guruh tomonidan O‘zbekiston Respublikasining “Fuqarolarning reproduktiv salomatligini saqlash toʻgʻrisida”gi Qonuni ijrosi yuzasidan Bag‘dod tumani Tibbiyot birlashmasida olib borilgan o‘rganish natijalari atroflicha muhokama qilindi.

Dastlab, ishchi guruh a’zosi, tuman Kengashi huzuridagi ekspert guruhi raisi Z. To‘rayev tomonidan o‘rganish yakunlari va aniqlangan holatlar yuzasidan tayyorlangan xulosa o‘qib eshittirildi.

Shundan so‘ng, Bag‘dod tumani Tibbiyot birlashmasi boshlig‘i J. Sherg‘oziyev tomonidan Qonun ijrosini ta’minlash borasida amalga oshirilayotgan ishlar, erishilgan natijalar hamda istiqboldagi vazifalar yuzasidan hisobot taqdim etildi.

Muhokamalar davomida doimiy komissiya a’zolari tomonidan bildirilgan taklif va tavsiyalar inobatga olinib, mazkur masalani Xalq deputatlari Bag‘dod tumani Kengashining navbatdagi sessiyasi kun tartibiga kiritish to‘g‘risida doimiy komissiyaning tegishli qarori qabul qilindi.