Xalq deputatlari Bag‘dod tumani Kengashining 13-Muqimiy saylov okrugi deputati R.Yegitaliyev, Kengash kotibiyati mudiri G‘.Abdullayev hamda kotibiyat bosh mutaxassisi A.Ismoilovlar bilan birgalikda Muqimiy mahalla fuqarolar yig‘inida “24 ta muhim masala” yuzasidan ijtimoiy xodim tomonidan aholining ijtimoiy ehtiyojmand toifalariga ko‘rsatiladigan xizmatni sifatli tashkil etilishi, kam ta’minlangan oilalarga ijtimoiy nafaqalar va moddiy yordam tayinlash va to‘lash bo‘yicha amalga oshirilayotgan ishlar o‘rganildi.

O‘rganish davomida mahalladagi ijtimoiy xodim tomonidan aholining ijtimoiy ehtiyojmand toifalariga xizmat ko‘rsatish sifati, kam ta’minlangan oilalarga ijtimoiy nafaqa va moddiy yordam tayinlash hamda to‘lash ishlari, shuningdek O‘zbekiston Respublikasining “Keksalar, nogironligi bo‘lgan shaxslar va aholining boshqa ijtimoiy ehtiyojmand toifalari uchun ijtimoiy xizmatlar to‘g‘risida”gi Qonuni ijrosi yuzasidan amalga oshirilayotgan ishlar ko‘zdan kechirildi.

O‘rganish natijalariga ko‘ra:
🔹 mahallada 72 ta oila Ijtimoiy reestrga kiritilgan bo‘lib, shundan 18 tasi davlat ta’minotidagi, 49 tasi kambag‘al hamda 6 tasi kambag‘allik chegarasidagi oilalarni tashkil etadi;
🔹 2026-yilning 6 oyi davomida “Saxovat va ko‘mak” jamg‘armasi hisobidan 79 ta ehtiyojmand oilaga davolanish, jarrohlik amaliyoti, uy-joyni ta’mirlash, oziq-ovqat, kiyim-kechak hamda kommunal to‘lovlar bo‘yicha amaliy yordam ko‘rsatilgan;
🔹 mahallada 120 nafar nogironligi bo‘lgan fuqaro istiqomat qilmoqda. Ularga 3 ta nogironlik aravachasi, 1 ta protez, 1 ta raqamli eshitish apparati berilgan hamda bepul dori-darmonlar bilan ta’minlash ishlari muntazam yo‘lga qo‘yilgan;
🔹 3 nafar fuqaroga vasiylik belgilangan, yana 3 nafar fuqaroning birlamchi nogironlik guruhi rasmiylashtirilgan.

Shuningdek, o‘rganish davomida “mahalla yettiligi” ishtirokida hududdagi mavjud muammolar tinglanib, ular deputatning “Ko‘chama-ko‘cha yurish” daftariga belgilangan tartibda qayd etildi. Mazkur masalalar ijrosi yuzasidan deputat nazorati o‘rnatildi.