Xalq deputatlari Kosonsoy tumani Kengashining Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi tomonidan navbatdagi sessiya kun tartibiga kiritilgan masalalarni puxta va har tomonlama ko‘rib chiqish maqsadida tegishli nazorat-o‘rganish ishlari amalga oshirildi.

👨‍💼 Mazkur o‘rganishda doimiy komissiya a’zosi O. Omonov hamda tuman Kengashi kotibiyati mudiri D. Valiyeva ishtirok etib, Kosonsoy suv ta’minoti bo‘limi boshlig‘i F. Isaqjonovning sessiyaga taqdim etilishi rejalashtirilgan hisobotida keltirilgan ma’lumotlarni atroflicha tahlil qildilar.

O‘rganish davomida tumanda aholini sifatli ichimlik suvi bilan ta’minlash borasida amalga oshirilgan ishlar, mavjud suv ta’minoti tarmoqlarining texnik holati, yangi qurilgan va rekonstruksiya qilingan ichimlik suvi inshootlari, suv tarmoqlarini modernizatsiya qilish bo‘yicha bajarilgan loyihalar hamda aholini markazlashgan ichimlik suvi bilan qamrab olish darajasi yuzasidan batafsil ma’lumotlar ko‘rib chiqildi.