Joriy yilning 24-mart kuni xalq deputatlari shahar Kengashiga 15-Yulduz saylov okrugidan saylangan deputat S.Boboyorova Yulduz mahallasida saylovchilar bilan uchrashuv oʻtkazdi. Unda xalq deputatlari shahar Kengashi kotibiyat mudiri E.Davlatov hamda bosh mutaxassis M.Xudoyberdiyevalar ishtirok etishdi. Uchrashuv davomida deputat O‘zbekiston Respublikasi Prezidenti tomonidan qabul qilingan yangi farmon, qaror hamda O‘zbekiston respublikasi qonunlari bo‘yicha fuqarolarga tushunchalar berib, 2026-yilning 3 oyi davomida deputatlik faoliyati yuzasidan olib borilgan ishlar yuzasidan hisobot berib o‘tdi. Shundan so‘ng, fuqarolar tomonidan bildirilgan taklif va murojaatlar tinglandi. Deputat fuqarolar tomonidan bildirilgan mavjud muammolarni bartaraf etish yuzasidan tegishli tashkilotlarga so‘rov bilan murojaat qilishini bildirildi.