Xalıq deputatları Bozataw rayonlıq Keńesi deputatı G.Yusupova rayonlıq «Insan» sociallıq xızmetler orayı tárepinen, mayıplıǵı bar shaxslarǵa mámleket tárepinen berilgen jeńilliklerdiń durıs qollanılıwı jaǵdayın bir qatar kózden ótkerdi.

Bársheńizdiń xabarıńız bar Ózbekstan Respublikası Ministrler Kabinetiniń "Sociallıq qorǵawdıń birden-bir reestri málimleme sisteması arqalı kem támiyinlengen shańaraqlardı anıqlaw hám olarǵa sociallıq napaqalar tayınlaw boyınsha elektron tárizde arza beriwdi engiziw ilajları haqqında"ǵı 2023-jıl 10-noyabrdegi 596-sanlı qararı qabıl etilgen bolıp, bul qarardıń 105-bántiniń orınlanıwı boyınsha tómendegı baǵdarlar boyınsha:

- kem támiyinlengen shańaraqlardı "Sociallıq qorǵawdıń birden-bir reestri" málimleme sisteması arqalı anıqlaw jumıslarınıń nátiyjeliligi hám qamtıp alıw dárejesi;

- elektron arza beriw sistemasınıń rayonda ámelde engizilgenligi hám xalıq ushın qolaylılıǵı;

- sistema arqalı sociallıq napaqalardı tayınlaw múddetleri, mánzilliligi hám ádil bólistiriliwi;

- xalıqtıń múrájatları menen elektron rejimde islesiw jaǵdayı hám processtiń ashıq-aydınlıǵı sıyaqlı baǵdarlarda úyreniwler alıp barıldı.