Xalq deputatlari Pastdarg‘om tuman Kengashi kotibiyat mudiri F. Xolmuratova, tuman Kengashi deputati N. Dusmurodov hamda hokim maslahatchisi O. Norimova tomonidan O‘zbekiston Respublikasining “Nogironligi bo‘lgan shaxslarning huquqlari to‘g‘risida”gi O‘RQ-641-son Qonuni ijrosi yuzasidan o‘rganish ishlari olib borildi.

O‘rganish davomida “Mashhur Gaz SERVIS” MCHJ faoliyati ko‘zdan kechirilib, nogironligi bo‘lgan shaxslar uchun yaratilgan shart-sharoitlar, obyektning qulay va to‘siqlarsiz muhit talablariga muvofiqligi tahlil qilindi.

Shuningdek, kirish-chiqish yo‘laklari, sanitariya-gigiyena xonalari hamda fuqarolarga xizmat ko‘rsatish jarayonidagi imkoniyatlar o‘rganildi.

Monitoring yakunida aniqlangan kamchiliklarni bartaraf etish, xizmatlar sifatini yanada yaxshilash bo‘yicha tegishli tavsiya va ko‘rsatma berildi.

Nogironligi bo‘lgan shaxslar uchun qulay va inklyuziv muhit yaratish borasidagi ishlar doimiy e’tiborda qoladi.