Xalq deputatlari Pastdarg‘om tuman Kengashi kotibiyat mudiri F. Xolmuratova, tuman hokimi maslahatchisi O. Norimova hamda tuman Kengashi deputati N. Dusmurodov tomonidan Samarqand–Kattaqo‘rg‘on avtomobil yo‘li bo‘yida joylashgan tadbirkorlik obyektlarida “Davlat tili haqida” hamda “Reklama to‘g‘risida”gi Qonunlar ijrosi yuzasidan monitoring o‘tkazildi.

O‘rganish davomida obyektlardagi tashqi reklama vositalari, peshlavhalar, e’lon va axborot matnlari davlat tili me’yorlariga muvofiqligi, reklama joylashtirish tartibi hamda amaldagi qonunchilik talablariga rioya etilishi tahlil qilindi.

Reklama va axborot materiallarida davlat tilidan to‘g‘ri foydalanish, imlo va uslubiy xatolarning oldini olish, taqdim etilayotgan ma’lumotlarning qonuniyligi va aniqligiga alohida e’tibor qaratildi.

Monitoring yakunida aniqlangan kamchiliklarni bartaraf etish bo‘yicha tadbirkorlik subyektlariga tavsiya berildi.