Xalq deputatlari Qiziltepa tumani Kengashi 22-Nurafshon saylov okrugidan saylangan tuman Kengashi deputati, Qiziltepa tumani hokimi Bekzod Bobomurodov Arabxona mahallasi aholisi bilan sayyor qabul o‘tkazdi.

Qabul avvalida ushbu mahallada so‘nggi yillarda qilingan ishlar, joriy yilda amalga oshiriladigan ulkan bunyodkorlik ishlari haqida aholiga ma’lumot berildi.

Shundan so‘ng aholining 20 ga yaqin turli yo‘nalishlarga oid muammo va takliflari tinglandi. Ularning aksariyati joyida ijobiy hal etildi.

O‘rganish va vaqt talab qilgan murojaatlar nazoratga olinib, tegishli mas’ullarga ularni qisqa muddatlarda hal etish bo‘yicha topshiriqlar berildi.