Mahalliy kengashlar o‘rtasida samarali tajriba almashinuvi boshlandi

Bugun Xalq deputatlari Boyovut tumani Kengashi bosh mutaxassisi Xalq deputatlari Buxoro shahar Kengashiga xizmat safari bilan tashrif buyurdi. Tashrifdan ko‘zlangan asosiy maqsad — mahalliy kengashlar faoliyatini takomillashtirish, deputatlar bilan ishlash jarayonlarini yanada samarali yo‘lga qo‘yish hamda ilg‘or tajribalarni o‘zaro almashishdan iborat bo‘ldi.

Uchrashuv davomida Buxoro shahar Kengashining kotibiyati faoliyati, deputatlarning saylov okruglaridagi ish rejasi, murojaatlar bilan ishlashning zamonaviy usullari va jamoatchilik bilan muloqot mexanizmlari atroflicha o‘rganildi.

Mazkur tashrif ikki hudud o‘rtasida hamkorlikni mustahkamlash, mahalliy kengashlarning ish samaradorligini oshirish va aholiga xizmat ko‘rsatish sifatini yanada yaxshilashga xizmat qiladi.

Xalq deputatlari Boyovut tumani Kengashi kotibiyati